Сайлау

Сайлау

kn Катонқарағай ауданының сайлау комиссияларының құрамы *.zip 241 KB
kn Катонқарағай аудандық аумақтық комиссиясының хабарламасы *.xls 39 KB
kn Катонқарағай ауданы бойынша сайлау учаскелерi *.doc 54 KB
kn «Катонқарағай ауданы бойынша сайлау учаскелерін құру туралы» 2011 жылғы 22 қарашадағы № 18 шешімге өзгерістер енгізу туралы *.doc 34 KB

 

Катонқарағай аудандық аумақтық сайлау комиссиясының  «2014 жылғы 03 қарашада Жамбыл ауылдық округі әкімінің  кезектен тыс сайлауын тағайындау туралы»  № 2 Шешімі 
2014 жылғы  26 қыркүйек Үлкен Нарын ауылы

1. Қазақстан Республикасы Конституциясының 87-бабы,   тармағы, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының Заңының 32  және 36 баптарына, «Қазақстан Республикасындағы  жергілікті өзін-өзі басқаруды дамыту тұжырымдамасын бекіту туралы» Қазақстан Республикасы Президентінің  2012 жылғы28 қарашадағы №438 Жарлығына, Қазақстан Республикасының Президентінің 2013 жылғы 24 сәуірдегі № 555 Жарлығына сәйкес, Катонқарағай аудандық аумақтық сайлау  комиссиясы қаулы етеді:
1. Жамбыл ауылдық округі әкімінің кезектен тыс сайлауы 2014 жылғы 03 караша күні тағайындалсын.
2. Катонқарағай ауданының Жамбыл ауылдық округі  әкімінің сайлауын өткізудің  күнтізбелік жоспары бекітілсін.
3. Сайлаудың іс-шараларын өткізу бойынша төмендегі мерзімдер анықталсын:
- Әкімдікке үміткерлерді ұсыну   2014 жылғы 04 қазаннан (сайлау күнінен  30 күн бұрын) басталып, 2014 жылғы 08 қазанда (сайлау күніне 25 күн қалғанда) аяқталады.
- Үміткерлерді  тіркеу 2014 жылғы 09  қазаннан басталып, 2014 жылғы 18 қазанда аяқталады.
- Сайлау алдындағы үгітті жүргізу 2014 жылғы 19 қазанда басталып, 2014 жылғы 02 қарашада  сағат  00-00 аяқталады.

ААСК төрағасы :   М. Тлеубаев
ААСК хатшысы:  Т.Тлеудинова

Катонқарағай аудандық аумақтық сайлау комиссиясының құрамы:
Тілеубаев Мырзабек Мұхаметқалиұлы, комиссия төрағасы,
Толықпаев Марат Нұрбайұлы, комиссия төрағасының орынбасары,
Тілеудинова Тоты Әбілғазықызы, комиссия хатшысы.
Комиссия мүшелері: Батырқанов Еркінбек Арғынбекұлы, Қауашева Әсем
Қамбарханқызы, Нығметов Жанар Пазылұлы, Смағұлова Жаңыл.
Катонқарағай аудандық аумақтық сайлау комиссиясының  2014 жылғы  26 қыркүйек № 2 шешімімен бекітілді.

 

2 014 жылғы 03 қарашаға  тағайындалған Катонқарағай ауданы  Жамбыл ауылдық округі әкімінің кезектен тыс сайлауын әзірлеу мен өткізу жөніндегі негізгі іс-шаралардың күнтізбелік жоспары

1. Тиісті әкімшілік-аумақтық бірлік тұрғындарының назарына жергілікті бұқаралық ақпарат құралдары арқылы сайлау күні туралы хабарды жеткізу.
Аудандық аумақтық сайлау комиссиясы.
2014 жылғы 26 қыркүйек

2. Бұқаралық ақпарат құралдарында тиісті аумақтық сайлау комиссиясының құрамын жариялау.
Аудандық аумақтық сайлау комиссиясы.
Сайлау тағайындалғаннан кейін 10 күннен кешіктірмей.
2014 жылғы 05 қазан  

3. Әкімдікке кандидаттарды балама негізде аудандық аумақтық сайлау комиссиясына Катонқарағай ауданы әкімінің ұсынымы мен кандидаттардың тиісті әкімшілік-аумақтық бірліктің аумағында әкімдікке кандидаттар ретінде дауысқа түсуге келісетіні туралы өтініштерді беруі арқылы ұсыну.
Аудан  әкімі.
Сайлау күнінен 30 күн бұрын – 2014 жылғы  04 қазанда  бас-талады және сайлау күніне 25 күн қалғанда
– 2014 жылғы  08 қазанда аяқталады.

4. Таңдаушылардың тізімдерін жасау және оларды дауыс беруге арналған пунктте ілу.
Аудандық аумақтық сайлау комиссиясы.
Катонқарағай аудандық  мәслихат хатшысының ұсынуы бойынша.
Дауыс  беру  күніне  7  күн қалғанда – 2014 жылғы 27 қазанда.

5. Әкімдікке кандидаттың Қазақстан Республикасы Конституциясының 33-бабы  3-тармағында және Қазақстан Республикасының  ауылдық округтері әкімдерінің сайлауын өткізу ережесінде қойылатын талаптарға сәйкестігін анықтау, тиісті хаттама жасау.
Аудандық аумақтық сайлау  комиссиясы.
Үш күннің ішінде.
Тұрғылықты жері бойынша салық органдарына 2014 жылғы 01 қазанға  табысы мен мүлкі туралы декларация тапсыру.
Кандидат және оның зайыбы (жұбайы).
Кандидат тіркелгенге дейін.

7. Кандидаттарды тіркеу және тиісті куәлік тапсыру
Аудандық аумақтық сайлау комиссиясы Барлық қажетті құжаттар алынғаннан кейін басталады және дауыс беретін күнге 15 күн қалғанда – 2014 жылғы 18 қазанда аяқталады.

8. Жергілікті бұқаралық ақпарат құралдары арқылы немесе өзге тәсілмен кандидаттардың тіркелгені туралы хабарлау.
Аудандық аумақтық сайлау  комиссиясы.
Кандидаттар тіркелгеннен кейін 7-ші күннен  кешіктірмей.

9. Кандидат пен оның зайыбы (жұбайы) жариялаған табысы және мүлкі туралы мәліметтердің дұрыстығын тексеру.
Катонқарағай ауданы бойынша салық басқармасы.
Кандидат пен оның зайыбы (жұбайы) декларацияны тапсырған күннен бастап 7 күннің ішінде.

10. Кандидаттардың сенім білдірілген адамдарын тіркеу және оларға тиісті куәліктер беру.
Аудадық аумақтық сайлау комиссиясы.
Сенім білдірілген адамдардың тізімдерін тіркеу үшін берген сәттен бастап.

11. Кандидаттарға таңдаушылармен кездесулері үшін шарт негізінде үй-жайлар беру.
Кандидаттардың бөлінген үй-жайда таңдаушылармен кездесу кестесін жасау және оны бұқаралық ақпарат құралдарында жариялау.
Катонқарағай ауданы әкімінің аппараты, ауылдық округ әкімдерінің  аппараты.
Аудандық аумақтық сайлау комиссиясы.
Сайлау алдындағы үгітті жүргізу кезеңінде.
12. Сайлау алдындағы үгітті жүргізу.
Әкімдікке кандидаттар, олардың сенім білдірілген адамдары.
Кандидаттарды тіркеу аяқталған күннен басталады және сайлау күнiнiң алдындағы күнi – 2014 жылғы 18 қазаннан  – 02 қарашада жергілiктi уақыт бойынша 24 сағатта аяқталады.
13. Аудандық аумақтық сайлау комиссияларында сайлау қорларын тіркеу.
Әкімдікке кандидаттар, олардың сенім білдірілген адамдары.
Кандидаттың аудандық аумақтық сайлау комиссияларына өтініш жасаған сәтінен бастап, бір күнтізбелік күннің ішінде. 

14. Сайлау қорларының арнайы уақытша шоттарын ашу.
Аудандық аумақтық сайлау комиссиясы. 
Кандидат тіркелгеннен кейін.

15. Дауыс беруге арналған пунктті ашу, тиісті хаттама жасау.
Аудандық аумақтық сайлау  комиссиясы.
Дауыс берудің басталуына бір сағат қалғанда.

16. Әкімнің сайлауын өткізу. Әкімді сайлау жөніндегі дауыстарды санау және дауыс беру нәтижелерін жария ету, әкімді сайлау нәтижелері туралы хаттама жасау.
Аудандық аумақтық сайлау комиссиясы.
Бір күннің ішінде - 2014 жылғы 03 қараша.

17. Сайланған әкімді тіркеу. Шешімді Катонқарағай ауданының  әкіміне және Катонқарағай аудандық  мәслихатқа ұсыну.
Аудандық аумақтық сайлау  комиссиясы.
Сайлау өткізілген күннен бастап бес күндік мерзімде – 2014 жылғы 07 қарашадан  кешіктірмей.    
18. Кандидаттың сайлау қоры қаражатын пайдаланғаны туралы аумақтық сайлау комиссиясына есеп беруі.
Әкімдікке кандидаттар.
Сайлау қорытындылары анықталғаннан кейін 5 күннен кешіктірмей  - 2014 жылғы 07 қарашадан кешіктірмей.

19. Жергілікті бұқаралық ақпарат құралдарында сайлау қорытындылары және сайланған әкімді тіркеу туралы хабар жариялау.
Аудандық аумақтық сайлау  комиссиясы.
Сайлау өткізілген күннен бастап 7 күннен кешіктірмей – 2014 жылғы 09 қарашадан  кешіктірмей.

М.Тілеубаев, ААСК  төрағасы.
Т.Тілеудинова, ААСК хатшысы.


Аудандық мәслихат сессиясы

Аудандық мәслихаттың кезекті XXVI сессиясы болып өтті.
Депутаттар қабылдаған күн тәртібіне сәйкес,  «Үлкен Нарын округінде Катонқарағай ауданы аумағын дамыту бағдарламаларының орындалу барысы туралы» бірінші мәселе бойынша, сессия аталмыш округ әкімінің м.а. А.Құрманғалиевтың есебін тыңдады.
Баяндама бойынша жарыссөзде сөз алған Балғын сайлау округі бойынша депутат Жанар Жаңабаев, округті әлеуметтік-экономикалық дамыту, оның аумағын абаттандыру бойынша ауылдық округ әкімі аппараты атқарып жүрген нәтижелі жұмысын атап өтті.
Сондай-ақ, Ж.Жанабаев Балғын мен Көктерек ауылдарында клуб, электр қуаты мен сумен қамтамасыз етудегі іркілістер мәселелерін  де қозғады.
Тағы бір мәселені депутат Ерен Жұмағұлов көтерді. «Тыңдалған есепке жүгінетін болсақ, аудан орталығында жылсайын екі мыңнан астам жас ағаштардың көшеттері отырғызылады. Алайда, егер бұл расымен де солай болса, Үлкен Нарын ауылы жасыл баққа айналар еді. Ағаш өскіндерін тек есеп беру үшін ғана отырғызып қоймай, оларға күтімді, уақытында суаруды ұйымдастыру керек. Және де ауылдық әкімшіліктің жауапты қызметкерлеріне, аудан орталығының санитарлық тазалығына көбірек көңіл бөлу керектігіне кеңес берер едім», - деді Ерен Қадошұлы.
Сөз кезегін алған мәслихат хатшысы Д.Бралинов сес-сияның алдында ғана болған ауылдық округ әкімінің сайлауында көпшілік дауыспен Үлкен Нарын ауылдық округінің әкімі болып сайланған А.Ахметовты жаңа қызметімен құттықтай келе, аудан орталығын заман талабына сай көркейту бойынша алда талай жұмыстар тұрғанын айтып өтті. Атап айтқанда, ауылды абаттандыру, Абылайхан көшесінің жоғарғы бөлігіндегі үйлердің сырт келбетін, қашаларын, шатырларын жаңалау, сенбілік өткізу кезіндегі олқылықтарды жою үшін көше комитеттері мен қоғамдық ұйым-дарын тарту туралы ұсыныстарын білдірді.
Екінші мәселе бойынша, жергілікті маңыздағы авто-көлік жолдарының жағдайы  туралы аудан әкімінің орынбасары Жанболат Тыныбеков баяндады.
Жергілікті маңыздағы ав-токөлік жолдарының жағдайы туралы жарыссөзге шыққан депутат А.Кертешов жалпы жол жөндеу жұмыстарын біраз сынға алды. Көпірлердің тарлығы, жолға төгілетін материалдардың аздығы, грейдерлеу жұмыстарының сапасыздығы бойынша деректер келтіріп, алдағы уақытта жол жөндеу жұмыстарын катаң қадағалауды ұсынды.
Депутаттар Жаңа Үлгі – Жамбыл жол учаскесіне жоспарланған жөндеу жұмыстары жайлы сауалдар қойып, кейбір елдімекендерге кіре берісіндегі ауыл атаулары бар тақтайшалар тозып, жаңалауды қажет ететіндігіне көңіл аудартты. Мысалы, атауы өткен жылы ауыстырылған Алтынбел ауылына кіре-берісіндегі белгіде әлі күнге дейін «Ново-Березовка» деп тұр.
Сондай-ақ, олар өткен жылы жасалған, Өрел мен Жамбыл ауылдары арасындағы Бұқтырма өзені арқылы аспалы көпірдің, Ақсу ауылындағы көпірдің және Жұлдыз ауылындағы клуб ғимаратының  жөндеу жұмыстарын да сынға алды. Аталған жөндеу жұмыстарында атқарылған жұмыстардың сапасы мен құны бюджеттен бөлінген қаражатқа сәйкес келмейтіндігін атап өтті.
Депутаттық өкілеттік, әдеп және заңдылықтар мәселелері бойынша  аудандық мәслихаттың тұрақты комиссиясының жұмысы жайлы, тұрақты комиссия төрағасы, депутат Бауыржан Тоқтағанов есеп берді.
Сессия оқылған баяндамаларды ескере отырып, олар бойынша тиісті шешім шығарды.
Депутаттар алдында аудан әкімі Қалиқан Байғонұсов сөз сөйлеп, аудан орталығын көгалдандыру бойынша айтылған сын ескертпе әділ екенін атап өтті. Орманшылықтар көшет материалдарын бергенде, көбінде көгалдандыруға қатысушыларға көшеттерді шоқ-шоқтап беріп, ал соның ішіндегі әрбір өскінді жеке көшет етіп санайды. Сонымен қатар, ауылдық округ әкімшілігіне жас ағаштарға күтім жасауды ұйымдастыру қажет.
Қалиқан Байғозыұлы аудан орталығын  ауызсумен қамтамасыз ету мәселесін де көтерді. Су жүйесі әбден тозып, қиын жағдайда тұр. Тек өткен жаз ішінде коммуналдық қызметтер, көптеген шағын бүлінгендерді санамағанда, су жүйесіндегі бес үлкен аварияны жойды. Көктем келісімен жедел түрде күрделі жөндеу жұмыстарын жасау қажет, өйтпеген жағдайда, келесі жазда аудан орталығы сусыз қалуы әбден мүмкін. Аудан әкімі, сумен қамтамасыз ету торабтарын жандандыруға қаражат бөлу мәселесі бойынша депутаттарды оны қолдауға шақырды.
-Сендер үлкен, өзекті мәселелерді көтердіңдер, - деді депутаттарға Қ.Байғонұсов. –Жолдарды дамыту мәселесіне жауапты аудан әкімінің орынбасары өзіне жүктелген  міндеттерін босаң түрде орындап жүргенін мойындаймыз. Бірақ, депутаттар да бұл мәселелерден шет қалмауы тиіс. Ауылдық округ әкімдерімен бірге, мердігерлік ұйымдар атқарып жатқан жұмыс барысын бақылап, жағдайды жете ұғынып, талап қойып, нысанды пайдалануға қабылдауға қатысу керек. Осы мәселелерді  бірлесе шешуіміз қажет.
Сонымен қатар, өзекті әлеуметтік мәселелер шешіміне қатысу керек. Ауданда өзіне өзі қол жұмсау жағдайлары көбейіп кетті. Сіздер, халық қалауларысыздар,  ауылдарыңыздағы әркімді білесіздер, кім қалай өмір сүріп жатыр, отбасыларындағы  жағдай. Осы тұрғыда қоғамдық, ардагерлер ұйымдарын, ауылдық округтердегі әйелдер кеңесі жұмыстарын қарқындату қажет. Бұл жерде сіздердің көмектерің керек,- деді сөз аяғында Қалиқан Байғозыұлы.

 

 

Парақтар өзгертілді: 27-06-2016