Саяси партиялар

kn «Нұр Отан»партиясының Катонқарағай аудандық филиялының қоғамдық қабылдауында Зырян аймағы бойынша сыбайлас жемқорлыққа қарсы іс- қимыл ауданаралық бөлімінің басшысымен 2017 жылдың 2- ші жартыжылдығында азаматтарды қабылдау кестесі *.doc 30 KB

«Нұр Отан» Халықтық Демократиялық партиясы қоғамдық бірлестігі Шығыс Қазақстан облысы Катонқарағай аудандық филиалы

«Нур Отан»«Нұр Отан» Халықтық Демократиялық партиясы» Қоғамдық бірлестігі 1999 жылғы 19 қантарда «Қазақстан Республикасы Президенттігіне кандидат Н.Ә.Назарбаевты қолдау жөніндегі қоғамдық штабын» қайта құру жолымен құрылды.Партияның толық атауы:«Нұр Отан» Халықтық Демократиялық партиясы» Қоғамдық бірлестігі

Партия
 – азаматтардың, түрлі әлеуметтік топтардың саяси еркін білдіретін, олардың мүдделерін мемлекеттік биліктің өкілдік және атқару, жергілікті өзін-өзі басқару органдарында қорғайтын және оларды қалыптастыруға қатысатын Қазақстан Республикасы азаматтарының ерікті бірлестігі.
Партия қызметінің мәні, мақсаттары, міндеттеріПартия қызметінің мәні:

  1. қоғамның саяси өміріне қатысу;
  2. партияның бағдарламалық мақсаттары мен міндеттерін іске асыру;
  3. заң шығару қызметіне қатысу.

Партияның мақсаты – саяси жұмыс әдістері арқылы азаматтық қоғамның дамыған институттары және бәсекеге қабілетті осы заманғы саяси жүйесі бар, экономикалық мықты, демократиялық, зайырлы, құқықтық және әлеуметтік мемлекет құруға қол жеткізу.Партияның міндеттері:

  1. мемлекеттік билік және жергілікті өзін-өзі басқару органдарына саяси лидерлер мен партия мүшелерін даярлау, оларды қолдау және ұсыну;
  2. партияның бағдарламалық және жарғылық мақсаттары мен міндеттерін халық арасында түсіндіру және насихаттау, өз қызметі туралы ақпарат тарату;
  3. заңнамаға сәйкес референдумдар өткізуге қатысу;
  4. мемлекеттік билік және жергілікті өзін-өзі басқару органдарында партияның және оның мүшелерінің, азаматтар мен түрлі әлеуметтік топтардың мүддесін қорғау;
  5. партия бағдарламасына сәйкес әлеуметтік-экономикалық және саяси реформаларды жүргізуге қатысу, өмір сапасының ұлттық стандартын қалыптастыру;
  6. кіші және орта кәсіпкерлікті, фермерлік шаруашылықтарды қолдау;
  7. қоғамдағы ұлтаралық келісім мен тұрақтылықты нығайтуға атсалысу, дінаралық төзімділік идеяларын тарату;
  8. заң жобаларының бүкілхалықтық талқылауларына қатысу;
  9. өкілді және атқарушы органдарға енгізу үшін қоғамдық пікірді зерделеп, заң жобалары мен басқа да нормативтік құқықтық актілер бойынша ұсыныстар әзірлеу және оларды Қазақстан Республикасы Парламенті Мәжілісіндегі және жергілікті өкілді органдардағы партияның депутаттық бірлестіктері арқылы іске асыру;
  10. жастар ұйымдарының құрылуына және ұйымдық нығаюына жәрдемдесу, тәжірибелік әрекеттеріне қолдау және көмек көрсету;
  11. Белгіленген тәртіпте партия мүшелерін мемлекеттік наградаларға ұсыну;
  12. Партия мүшелерін моральдық тұрғыдан көтермелеу;
  13. Азаматтардың бойында жемқорлық фактілеріне төзімсіздікті тәрбиелеуге ықпал ету, атқарушы билік органдарының қызметіне қоғамдық бақылауды күшейту.

Катонқарағай ауданында «Нұр Отан» ХДП филиалының өкілдігі қызмет атқаруда. Бастауыш партия ұйымдары барлық ауылдық округтерде, білім беру, денсаулық сақтау, мемлекеттіқ органдарда, орман шаруашылық мекемелерінде құрылған.  2010 жылдың тамыз айында «Нұр Отан» ХДП Катонқарағай аудандық филиалында 1870 партия мүшелері, олар 50 бастауыш партия ұйымында бірлескен.12 аудандық мәслихат депутаттарының бәрі де «Нұр Отан» партиясының мүшелері.
«Нұр Отан» ХДП аудандық филиалы әрқашанда спортық жарыстардың (волейбол, футбол, үстел тенисі, шаңғы жарысы т.б.) ұйымдастырушысы және оқушылардың арасында өтетін жарыстардың демеушісі болып келеді.
Қоғамдық-саяси акциялар өткізу кезінде «Нұр Отан» ХДП бірге құрамына ақпараттық-насихаттық топтардың мүшелері, мәдениет бөлімінің артістері, ақсақалдар және әйелдер кеңесінің өкілдері кіретін үгіт-поезі қызмет атқаруда.

kn  Мекен жайымыз: 

Шығыс Қазақстан облысы, Катонқарағай ауданы, Үлкен Нарын ауылы, Абылайхан көшесі 112.
Телефон 8-723-41-2-23-20

 

Парақтар өзгертілді: 17-07-2017