Ішкі саясат

 

Ауданымызда 25  ауылдық клуб, аудандық  Мәдениет Үйі 18 кітапхана, Достық Үйі, Тілдерді оқыту орталығы аудан тұрғындарына мәдени орта қалыптастыру үшін жағдай жасау мақсатында қызмет көрсетуде.
Достық Үйінде 7 этномәдени бірлестік құрылды. 2017 жылы 36 млн.теңгеге ғимарат күрделі жөндеуден өтті.

2017 жылдың 7 мамырында Улкен Нарын ауылында интернационалист жауынгерлерге монумент ашылды.

Сондай-ақ, Ново-Поляковка ауылдық клубы күрделі жөндеуден өтті. Өрел ауылдық клубының қасбетіне 3 млн. 200 мың теңге бөлінді және Солдатова, Аққайнар ауылдық клубтарын күрделі жөндеуден өткізуге  жобалық сметалық құжат әзірленді.
Ауданда өткен Инвестициялық форумда жасалған меморандумдар негізінде, 2017 жылдың тамыз айында Әбдікерім Ережепұлына Шыңғыстай ауылында мектеп–музей ашылды.

Сонымен қатар, өткен жылдың мамыр айында Алтынбел ауылында Социалистік Еңбек Ері, Ұлы Отан Соғысының ардагері Бошай Кітапбаевқа кеуде-мүсін орнатылды.

Біздің мемлекетте жастар саясаты шеңберінде іске асырылатын барлық бағдарламалар жастардың білімін көтеруге, еңбекпен қамтамасыз етуге және денсаулықтарын нығайтуға, шығармашылық әлеуетін дамытуға жағдай жасауға, патриоттық құндылықтарды қалыптастыруға бағытталған.
Аудан бойынша жастар саны 4988 адамды құрайды. Олардың ішінде: жұмыспен қамтылған жастар-770, өзін-өзі жұмыспен қамтығандар-180, студенттер-727, агро-техникалық колледж студенттерінің саны-178, оқушылар- 1404, жас кәсіпкерлер-69, жұмыссыз жастар-48, Қазақстан Республикасының Қарулы Күштері  қатарында -99 жас бар.
Жастар саясатын қолдау мақсатында, былтырғы жылдың шілде айында  Үлкен Нарын ауылында облыс әкімінің кубогіне VІІ Республикалық «Жайдарман» ойындары өткізілді. Республиканың бірқатар өңірлерлерінен көңілді тапқырлар клубы ойындарына 11 команда қатысты. Олар: Астана, Қостанай, Талдықорған, Семей, Өскемен, Қызылорда, Орал қалалары мен  облыстың аудандарынан келді.

Елбасы Н.А.Назарбаевтың «Болашаққа бағдар: рухани жаңғыру» бағдарламалық мақаласында, «Қазақстанның киелі жерлердің географиясы» және «Киелі нысандар» жобасы аясында, Шығыс Қазақстан облысының  аумағында Картасы әзірленді. Осы жоба негізінде, Катонқарағай ауданының Берел қорғандары, Мұзтау сияқты 2 киелі  орны  енді.

 

 

Ішкі саясат

Ішкі саясат

Ішкі саясат

Ішкі саясат

Ішкі саясат

Ішкі саясат

 

Парақтар өзгертілді: 13-03-2018