Мәдениет және демалыс орталығы


Биіктерден көрінуде

Ауданда 24 мәдениет ошақтары  тұрғындарға қызмет етеді. Оның ішінде - Үлкен Нарын ауылындағы аудандық Мәдениет үйі, Катонқарағай ауылындағы ауылдық Мәдениет үйі және 22 ауылдық клубтар. 2013 жылы Қайыңды, Өрел, Алтынбел, Жаңаүлгі ауылдарының клубтары күрделі жөндеуден өткізіліп, қолданысқа берілді.
Сондай-ақ, ағымдағы жылы ауданның мәдени өміріндегі айтулы жаңалықтардың бірі – Үлкен Нарын ауылында тарихи-өлкетану мұражайының ашылуы болды. «Жол картасы» мемлекеттік бағдарламасы бойынша 14 млн. 180 мың теңге бөлініп, бұл қаражат бос тұрған ғимараттардың бірін мұражай етіп, қалпына келтіруге игерілді. Ал, бір жыл өтпей-ақ, жүргізілген статистикалық реттіліктің нәтижесі бойынша тарихи-өлкетану мұражайы Қазақстандағы шағын жүз кәсіпорынның қатарына енгізілді.

Қ.Дамитов атындағы орта мектептің оқушысы, республикалық және облыстық балалар ән байқауларының жүлдегері, балалар музыка мектебінің тәрбиеленушісі  Мирас Ерболұлы балалар мен жасөспірімдер арасында Өскемен қаласында өткен облыстық «Жас толқын» ән байқауына қатысып, бас жүлдеге ие болды. Өскемен қаласындағы «Нұр Орда» Халықаралық мектеп басшылығы Мирасқа Құрмет грамотасын табыстап, өздеріне оқуға шақырды.
Аудандық Мәдениет үйінің әртісі Медет Қалиқайдар Тәуелсіздік күні құрметіне Астана қаласында Мәдениет сарайына өткен мерекелік шараға қатысып, ҚР мәдениет Министрлігінің Құрмет Грамотасына ие болды.
22 қазанда новополяковкалық «Зорюшка» орыс фольклорлық тобы Халықтық деген атауын дәлелдеді.
Ауданымыздың «Мәдениет және тұрғындар демалысы Орталығы» қыркүйек айында «Музыкалық абонемент «Шабыт - шығармашылық» атты жоба ұйымдастырды. Аталмыш жобаны жүзеге асыру мақсатында «Жерұйық атамекенім» тақырыбы бойынша аудандық Мәдениет үйі әртістерінің қатысуымен Көкпекті ауданының Сарыбел, Көкжыра ауылдарында, Предгорное ауылында және Глубокое ауданының Алтай елдімекенінде өтті.
22 қазанда новополяковкалық «Зорюшка» орыс фольклорлық тобы Халықтық деген атауын дәлелдеді.Жамбыл орта мектебінің 11 сынып оқушысы Мирас Мұратхан «Шығыс таланттары - 2013» облыстық ән байқауының бас жүлдесін жеңіп алды. Байқау ұйымдастырушылары оған ШҚМУ музыка факультетіне түсуіне грант табыс етті.

Нагима Алимбаева

Аудандық Мәдениет Үйі  

Үлкен Нарын аудандық Мәдениет үйі аудан орталығында орналасқан. Бұл барлық аудан тұрғындарыныңмақтанышы.

Мұнда барлық мемлекеттік мерекелер, аудан көлеміндегі іс – шаралар өтеді, сонымен қатар әртүрлі облыстан келген артистер мен ұжымдардың гастрольді кештері өткізіледі.

250 орынды үлкен концерт залы бар. Мәдениет үйі фойе бөлмесінде би кештері, конкурстар, сонымен қатар әр түрлі бағыттағы көрмелер, жаңа жыл кештері, кәсіби мерекелер, үйлену тойлары, мерейтойлар мен банкеттер өтеді.

 

   

 

Парақтар өзгертілді: 21-06-2016